O autor de “O abecedario” é Magín Blanco, un músico galego de longa traxectoria. Nos seus últimos anos foi abandonando o panorama discográfico dos adultos para centrarse na música infantil.
Nesta canción presentanos o abecedario galego, asociando palabras que comezan con cada letra.
Ata mañá!
Tócalle a quenda a Pitusa Semifusa (Olga Brañas). Pitusa Semifusa é un libro disco protagonizado por unha nena dese mesmo nome, neta dunha famosa directora de orquestra e que, logo de herdar dela un gramófono, sinte curiosidade por coñecer todas as familias de instrumentos. Ao longo das distintas cancións, irá avanzando polos pentagramas de todos os instrumentos, de tal xeito que a medida que van avanzando os temas, se van incorporando máis e máis ata rematar nunha completa Festa Musical que é a que representa esta canción.
Podedes escoitar a nosa versión no seguinte enlace: Ven á festa musical e aquí tedes a partitura: Ven á festa musical.
Hoxe tócalle a “Vou de viaxe” de Pablo Díaz e á banda Tic Tac Toc.
Aquí tedes a nosa versión: Canción Vou de viaxe e aquí a partitura: Vou_de_viaxe_-partitura _Pablo_Díaz.
A desfrutala!
Paco Nogueiras é outro dos artistas elixidos con “Apertas que voan” pertencente ao libro disco “Brinca vai! publicado en 2014. Este ano sacou á venta un novo traballo “Radio bulebule”.
Esperamos que vos guste!
Migallas é unha compañía de teatro que fai espectáculos e recolle cancións en formato libro-Cd. “Miña abuela Manuela” pertence ao libro “Pan de millo” onde co proceso de elaboración do pan de millo como fío condutor, este traballo está pensado para seguir practicando o xogo e a diversión, recuperar a memoria dos avós e avoas, e contribuír á transmisión da lingua. Inclúe ritmos autóctonos (como muiñeiras, pandeiradas e pasodobres) e melodías de inspiración latinoamericana.
Aquí tedes a nosa versión: Canción Miña abuela e aquí a partitura: Miña_abuela_Manuela.
Deica mañá 🙂
O Sonoro Maxín é unha banda surxida en Ourense no verán de 2007 a partir da xuntanza de músicos dos grupos Lamatumbá e Cinnamon Gum.
A canción escollida foi “Quérote máis” na que o seu retrouso di: “Quérote máis que a tortilla de patacas con xamón” (e iso é moito querer).
Uxía Lambona e a Banda Molona versionan clásicos populares galegos como A Carolina e Ven bailar Carmiña. Neste caso a canción escollida foi: O Chimpín.
A desfrutala!
O grupo María Fumaça naceu como agasallo de Nadal para un neno chamado Rui, con parálise cerebral, da man da súa madriña (a cantante Uxía Senlle) e un grupo de amigos músicos. Foi evolucionando ata converterse nunha das propostas musicais infantís máis coñecidas en Galicia.
Escollimos a canción “Ven comigo”, aquí podes escoitar a nosa versión: A nosa versión de Ven comigo e aquí a adaptación da partitura: Ven_comigo partitura.
Mamá Cabra é un grupo de música infantil que comezou a súa andadura no ano 2000. Dende aquela publicaron varios libros-cd entre os que destacamos: “Eu cociño, ti cociñas?”, “Estación Nadal”, “A bruxa discordia”, “Bicos de música” e “Ola, ola, la!” a onde pertence a canción “As mans”.
“21 días cantando en Galego” xorde da inspiración do programa “21 días co galego e +” impulsado pola Consellería de Cultura e Turismo, a través da Secretaría Xeral de Política Lingüística, que ten como finalidade promover o uso do galego oral entre a xente nova (Podedes ler máis sobre o programa no seguinte enlace: 21 días co galego e +)
Neste caso trataríase de centrar a proposta na música en galego. En concreto os obxectivos lingüísticos son os seguintes:
Cada día lectivo (do 21 de maio ao 18 de xuño) neste blog presentaremos unha canción en galego, nalgúns casos poderedes escoitar a nosa propia versión ou descargar as partituras.
Un saúdo 🙂
Musicores 